समझौता के बाद कारवाही होई

जिला बांदा, ब्लाक बबेरू, गांव परसौली, मजरा कोर्रा पुरवा । हेंया वाली संतोषिया बताइस कि 29 अप्रैल 2013 का मनसवा पीताम्बर खूबै मारिस है। यहिसे अब वा बबेरू थाना मा दरखास दिहिस पै अबै सुनवाई निहाय।
संतोषिया कहिस-“शादी पांच साल पहिले भे रहै। मोर दुई लड़का एक बिटिया है। इनतान मारत देख के लड़का बिटिया भी कल्पत हैं। कहत है कि तय मारपीट के बात मइके मा कउनौ से कइहे तौ तोहिका जान से मार डरिहौं। मैं आपन जान बचा के चुपके से बबेरू थाने आई हौं पै कउनौ सुनवाई नहीं आय। यहै लागत है कि मैं आपन जिन्दगी कसत बचा पइहौं। जबै कि घर का भी पूरा काम करत हौ। उल्टा मैं ही कमा के खवावत हैं । मोर माइक नरैनी ब्लाक का गांव आऊ आय। मनसवा पीताम्बर का कहब है कि काम नहीं करत आय यहिसे मारत हौं।
बबेरू कोतवाली का मुंशीबाबू लाल पाल का कहब है कि समझौता करा दीन जई। फिर इनतान मारी तौ फिर कारवाही कीन जई।