जिला फैजाबाद, ब्लाक मया,गांव रमनपट्टी। हिंआ के मनइन कै अरोप बाय कि जबरदस्ती मनीराम के जमीन मा सटाय के नाली बनवावै के कारण मनीराम कै चिन्ता मा मउत होइगै।
मनीराम कै पत्नी षैला देवी बताइन कि हमार पति बी.डी.ओ. का अउर महराजगंज थाना मा 18 अगस्त का उचित तरीका से नाली बनवावै की खातिर मांग करे रहिन। यकरे बादौ प्रधान अउर जिला पंचायत सदस्य मिलके जबरदस्ती छप्पर उजार दिहिन। घर के किनारे सटाय के नाली बनवावै लागिन। दुबारा जायके अप्लीकेषन दिहिन तौ एस.ओ. आयके कहिन कि छप्पर बचाय के नाली निकालत जाया। तबौ प्रधान जबरदस्ती नाली निकारिन। यकै सदमा मनीराम सहि नाय पाइन यही से मउत होइगै।
प्रधान प्रहलाद गुप्ता अउर क्षेत्र पंचायत धु्रव गुप्ता बताइन कि ई बात झूठ आय। मनीराम के सहमति से नाली बनी बाय जोर जबरदस्ती से नाय। उनहूं कहत रहिन कि नाली बनै से आराम होय जाये। वै पहले बिमार रहिन डाक्टर जबाव दै चुका रहे। बिमारी के कारण उनकै मउत होइगै।
महराजगंज थाना कै मुंषी प्रदीप कुमार बताइन कि पोस्टमार्टम रिपोर्ट मा हार्ड अटैक आय बाय। लक्षीराम के तहरीर पै प्रधान प्रहलाद अउर जिला पंचायत प्रतिनिधि धु्रव के ऊपर मुकदमा संख्या 193/14 धारा 487, 304 आई.पी.सी. एक्ट 325 एस.सी. एक्ट के तहत मुकदमा दर्ज बाय। छानबीन के बाद कार्यवाही होये।