सड़क के हाल देखतै बनत

चित्रकूट जिला मा सड़क का हाल देखतै बनत हवै। हम बात करित हन ब्लाक कर्वी अउर पहाड़ी ब्लाक के गांव अरछा बरेठी के।
कर्वी कस्बा से राजापुर कस्बा का जाये वाली लगभग तीन किलोमीटर सड़क बहुतै खराब हवै। वा सड़क मा बड़े बड़े गढ़वा हवैं। वहिमा कत्तौं भी जीप अउर मोटर साइकिल पलटै का डेर बना रहत हवै। जबै कस्बा क्षेत्र मा सड़क का शहाल हवै तौ गांव के रास्ता का हाल होइ?
अब सवाल या उठत हवै कि वा सड़क बनवावैं खातिर का पी. डब्लू. डी. विभाग वालेन के जिम्मेदारी नहीं आय? या फेर वा येत्ती गम्भीर समस्या का नजर अंदाज कीने हवंै। का यहिके खातिर कत्तौ सरकार के लगे लिखित नहीं भेजी गे आय। आखिर सड़क बनवावैं के गम्भीर समस्या का समाधान काहे नहीं कीन गा। जबै कि सरकार कइती से सड़क बनवावैं खातिर बजट आवत हवै।
यहिके जवाबदेही कउन देइ विभाग वाले या फेर सरकार? यहिके खातिर सरकार का विभाग वालेन से जुड़े अधिकारिन से जवाबदेही लें के जरूरत हवै। तबहिने सड़क के समस्या खतम होइ सकत हवै। या बात का इंतजार जनता का हमेशा बना रहत हवै।