सड़क मा भरा पानी
जिला चित्रकूट, ब्लाक कर्वी, कसबा कर्वी अउर बेड़ीपुलिया। हिंया पाठा जल कल विभाग से लइके बेड़ीपुलिया तक लगभग पांच किलो मीटर सड़क खराब हवैं। सड़क मा बड़े-बड़े गढ़वा हवै। सड़क बनावै खातिर अबै तक पी.डब्लू.डी. विभाग मा नहीं कहा गा हवै।
पी.डब्लू.डी विभाग के अधिशाषी अभियन्ता अजय कुमार का कहब हवै कि या सड़क बांदा जिला के राष्ट्रीय मार्ग खण्ड लोक निमार्ण विभाग बनवाई। सड़क हिंया से न बनी। या हमार जिम्मेदारी नहीं आय।
ब्लाक कर्वी सीतापुर कस्बा के ओम प्रकाश अग्रवाल अउर संजय का कहब हवै कि सड़क येत्ती खराब हवै कि अगर मरीज का लइके जाव तौ वहिके हालत अउर ज्यादा बिगड़ जात हवै। टैम्पो पलटैं का डेर बना रहत हवै। जबै कि डी.एम अउर एस.डी.एम समेत सबै अधिकारी यहै सड़क से निकरत हवैं।
कुछ यहिनतान कहिन बेड़ीपुलिया के पुत्तन अउर महेश उनकर कहब हवै कि अमावश के समय मड़ई आवत जात हवै। उंई टैम्पो मा बइठे कहत हवै कि मुख्यमंत्री अखिलेश यावद की जय हो। केत्ती नींक चित्रकूट जिला के सड़क हवै। जबै कि दुइ दरकी मुख्यमंत्री आ चुके हवै।