श्रम विभाग मा हुवत लापरवाही

जिला अम्बेडकर नगर, ब्लाक अकबरपुर। हिंआ श्रम विभाग मा बडी लापरवाही से काम हुवत बाय।
वरियावन कै हीरालाल कै कहब बाय कि हम साल भर से रजिस्टेशन कराये हई लकिन हमका यकै कउनौ लाभ नाय मिला। हम कइयौ बार श्रम विभाग आफिस आय कै अधिकारिन से पूछ कै चला जाईथी। आपन मजदूरी अउर किराया भारा सब खर्च कइकै आइथै। लकिन हिंआ कउनौ सुनवाई नाय हुवत। पहितीपुर कै मुन्नीलाल कै कहब बाय कि हम अपने लड़की के शादी के ताई फार्म भरे हई। लड़की कै शादी कर्ज लइके कै दिहेन अबहीं तक शादी अनुदान नाय मिला। जेकै रजिस्टेशन होयगै बाय वहू कै कउनौ काम नाय होय पावत बाय काहे से अगूंठा फिंगर मशीन बिगड़ी बाय। दिसम्बर 2015 से केहू कै काम नाय होय पावत बाय।
श्रम विभाग कै बड़े बाबू अरविन्द मिश्रा बताइन कि हम शासन का डाक घर आफिस से पत्राचार के माध्यम से वायोमीट्रिक मशीन उपलब्ध करावै के ताई अनुरोध पत्र भेज दिहे हइन। अबहीं तक मशीन नाय भेजागै। यकै इन्तजाम जल्दी कराय जाये।