शौचालय मा शौच नहीं शराब के बोतल

जिला बांदा, कस्बा तिन्दवारी, मोहल्ला रामनगर। हेंया के सब्जी मण्डी मा नगर पंचायत कइत से 2010 मा नौ शौचालय बने हैं। उनमा से औरतन वाले तीन शौचालन मा शौच के जघा शराब के बोतल रखी हैं अउर हमेशा ताला लाग रहत है। नगर पंचायत मा बात करै तौ उंई पानी न होय का बहाना बना देत हैं।
विमला अउर केशकली बताइन कि नगर पंचायत औरतन खातिर शौचालय बनवाइस है, पै हम लोगन का कउनौ फाइदा निहाय।
गीता कहिस कि हम लोग पुरूष शौचालन मा या खुले मैदान मा पेशाब करैं जात हन।
पूर्व चेयरमैन रामनरेश का कहब है कि उंई शौचालन मा शराब के बोतल धरी हैं। यहिसे ताला बन्द करे हैं। औरतैं पेशाब करै का भटकत हैं।
नगर पंचायत का बाबू राजनारायण कहिस कि दिन मा पानी के दिक्कत है। सुबेरे शाम पानी आवत है तौ खोलित हन। लोग गन्दगी करत हैं।