कूड़ाघर जइसे शौचालय
जिला बांदा, ब्लाक महुआ, कस्बा खुरहण्ड। हेंया मेन चैराहा मा बने शौचालय मा कतौ सफाई नहीं होत आय। यहिसे वा गन्दगी से भरा बजबजात है। कस्बा के रहैं वाले संतोष, पप्पू अउर शिव प्रसाद कहत हैं-“हमरे हेंया का शौचालय जबै से बना है तबै से एकौ दरकी सफाई नहीं भे आय। यहिसे दूर दराज के गांव से आवैं जाये वाले मड़इन का पेशाब करैं खातिर बहुतै परेशानी होत है। सबसे ज्यादा मेहरियन खातिर दिक्कत होत है। अगर शौचालय के सफाई होई जाय तौ आराम होई जाय।” प्रधान राकेश का कहब है-“अबै हेंया कउनौ सफाई कर्मी निहाय। जबै सफाई कर्मी के भर्ती होई तौ शौचालय के सफाई करवाई जई।” महुआ बी.डी.ओ. अशोक कुमार श्रीवास्तव कहत हैं कि जबै काम परत है तौ तीन-तीन लोग सफाई करत हैं।