शौचालय घोटाला कै हुअत जांच

जिला अम्बेडकर नगर, ब्लाॅक टाण्डा, गांव अवसानपुर। हिंआ पूर्व ग्राम प्रधान पै शौचालय कै बजट धोटाला कै आरोप मा उच्च न्यायलय के आदेश पै उपनिरीक्षक द्वारा जांच शुरू कीन गै।
इब्राहिमपुर थाना क्षेत्र कै गांव अवसानपुर मा प्रधान मंत्री द्वारा स्वच्छ भारत अभियान के तहत आय शौचालय मा प्रदेश कै सबसे बड़ा घोटाला भै बाय। गांव वाले बताइन कि पूर्व प्रधान रेखा वर्मा द्वारा ग्राम पंचायत मा आय आठ सौ अठ्ठारह शौचालय का अठ्ठान्नवै लाख सोलह हजार रुपया निकाला गै बाय। बाकी पैसा ग्राम प्रधान प्रतिनिधि द्वारा विद्यालय बनवावय मा खर्च किया गै बाय। जनता के बताए के अनुसार पता चला। वर्तमान प्रधान वंशराज वर्मा के शिकायत पै डी.पी.आर.ओ. व पंचायत राज अधिकारी द्वारा जांच किया गै। जेहमा इकावन लाख साठ हजार रूपया कै गवन मिला चाबर की असर से अधिकारिन कै नींद खुली अउर जांच सही पाय गै।
थाना इब्राहिमपुर पूर्व प्रधान रेखा वर्मा के ऊपर 409 कै मुकदमा लिखा गै बाय। उच्च न्यायलय कै आदेश पै थाना इब्राहिमपुर कै एस.आई. आर.पी. सिंह द्वारा जांच कीन जात बाय सही काव बाय। यकर रिपोर्ट यही सप्ताह मा भेजय का बाय। अब जनता कै निगाह उच्च न्यायलय पै टिकी बाय की न्याय मिला भै कि नाय।