जिला अम्बेडकर नगर। शिक्षामित्रन का शिक्षक पद पै समायोजन रद्द करै के कारण 15 सितम्बर का लगभग सोलह सौ शिक्षामित्र स्कूल बन्द करायके आक्रोश जताइन।
बसखारी कै शिक्षामित्र शिक्षक कल्याण समिति कै जिलाध्यक्ष रामचन्दर मौर्या, कटेहरी कै अमित सिंह जैसेन दसन शिक्षामित्र बताइन कि आपन हक पावै के ताई आंदोलन आखिरी दम लड़त रहब। स्कूलन मा कार्य वहिष्कार करिन। चैदह साल सेवा करै के बाद शिक्षक पद मिला। कउनौ सुख नाय मिला रहा कि न्यायालय हमरे सबका बाहर कै दिहिस। शिक्षामित्रन का न्यायालय के यहि आदेश से गहरा झटका लाग बाय। अबहीं उम्मीद बाय कि सर्वोच्च न्यायालय आदेश दै दियै।
जिलाध्यक्ष के.के. गुप्ता कहिन कि शिक्षामित्रन का न्याय दिलावै के ताई सुप्रीम कोर्ट से अपील कीन जाये। डी.एम. के माध्यम से राष्ट्रपति, प्रधानमंत्री अउर उच्च न्यायालय के मुख्य न्यायाधीश का ज्ञापन सौंपिन। अउर मांग करिन कि शिक्षक पद से न हटाय जाए। सेवा अवधि का देखिके सहानुभुति कीन जाए। टी.ई.टी.मुक्त समायोजन कै मांग भी करिन।