शिक्षक जिसने समाज को दिशा दी, उनका दिशानिर्देशन फैजाबाद में हुआ कैसे? देखिये इस विडियो में

फैजाबाद जिला के जीआईसी विद्यालय मा तीन दिवसीय 55वाँ शिक्षक सम्मलेन मनावा गा।
सविता मिश्रा शिक्षिका कै कहब बाय कि शिक्षक सम्मलेन कै उद्देश्य शिक्षक मा एकता अउर नेतृत्व कै भावना जगाउब बाय। अउर हमरे सबकै जवन उद्देश्य बाय वका पारित करावे अउर सरकार का अवगत करावा जाथै की हमरे सबका चिकित्सा सुबिधा, पुरानी पेंशन आवश्यकता अनुसार दिया जाय।
ओमप्रकास शर्मा उत्तर-प्रदेश माध्यमिक शिक्षक संघ अध्यक्ष बताइन कि प्रमुख मांग तौ ई बाय की ई शिक्षा के कार्यालय मा भ्रष्टाचार होइगा जेसे शिक्षक छह-छह महीना आपन वेतन नाय पावत अहैं  ऊ मांग आज हमार सबसे प्रमुख बाय। यकरे आलावा अउर भी नौ मांग बाय।
रश्मि तिवारी शिक्षिका कै कहब बाय कि पुरानी पेंशन योजना का फिर से बहाल करै के उद्देश्य से हमरे सब हिंया आय हई अउर आशा करीथी की हमरे संघ कै जवन ई कार्यक्रम बाय ऊ पूरी तरह सफल होये।
उमेश कुमार गुप्ता शिक्षक अलीगढ़ कै कहब बाय कि शिक्षा श्रेष्ठ अउर उत्तम हुवय का चाही अउर वकरे ताई हम बराबर प्रयासरत हई। वही अनुसार सरकार हमरे पेंशन पै ध्यान दियय हमरे सबकै मांग पूरी करै। अशोक कुमार शर्मा बताईन की ई ऐसा संगठन आय जहां शिक्षक का 0 से लइके 100 तक  पहुंचाय देहे बाय। जवन उपलब्धि हमरे सबका मिलत बाय ऊ बची रहै ऐसे संगठन का शक्ति दियब जरुरी बाय। जितेन्द्र कुमार मिश्र शिक्षक बलिया कै कहब बाय कि सरकार जवन भ्रष्टाचार मुक्त शासन कै वादा करे रहा ऊ वादा पूरा नाय हुवत बाय। शिक्षक राष्ट्र निर्माता हुवय अगर उनहीं का यहि तरह प्रताड़ित किया जाये तौ आम जनता कै कौन दशा होये।

रिपोर्टर- कुमकुम

Published on Jan 31, 2018