जिला फैजाबाद अउर अम्बेडकरनगर। दुई नौ जिला के बीच मा शारदा सहायक नहर। खैरा, गंगापुर गांव के बीच नहर पै पुलिया बना बाय। ई पुलिया दुई महीना से टूट बाय। तीन मनई कै एक्सीडेन्ट भी होय चुका तबो नाय बना पुलिया।
खैरा गांव कै रिंकू, धू्रवनाथ सिंह, शैतनाथ सिंह गंगापुर गांव कै विमल बताइन कि दुई महीना होई गै। एक दिन ओवर लोड ट्रक जात रहा। पुलिया मा टक्कर मार दिहिस। यही से पुलिया टूट गै। तब से यह पुलिया कै मरम्मत नाय भै बाय। नहर मा हमेशा पानी भरा रहा थै रात विरात केहू भी गिर सकाथै। यहि सड़क से मनई महुवारी, सेवागंज, गंगापुर, खैरा, जमुनीपुर, डाड़ी सैकड़न गंाव कै मनईन कै आवा जाही रहाथै। हिंआ के मनईन कै तौ जानकारी बाय। कि यहा पुलिया कै मुडेहरी टूट बाय। जे बाहर कै मनई आवाथै। ओका जानकारी नाय बाय। रात विरात गिरै कै डर रहा थै। कबहू घटना घटी सकाथै।
सिंचाई विभाग कै अभिशाषी अभियन्ता कुमार विप्लो बताइन कि पुलिया मरम्मत कै ताई मंाग प्रशासन से कीन गै बाय। अपै्रल लास्ट तक बजट आय जाये तौ काम शुरू कराय जाये।