शादी के बाद दहेज के लाने करत मारपीट

जिला महोबा, ब्लाक चरखारी, कस्बा चरखारी, भैरवगंज। एते की बताउत हे फरजाना उर्फ हीना बताउत हे कि मोई शादी के आठ महिना भये हे। अब मोओ आदमी महबूब उर्फ भीम मरपीट करत हे। ईखी दरखास हमने एस.पी. खा दई हे।
फरजाना बताउत हे कि महबूब ने अपनी पसंद की अपने मताई बाप के बिना मर्जी के मोये साथे जबरजस्ती शादी करी हती। शादी के बाद से ऊ अपने मताई बाप के कहे से मोये साथे मारपीट करन लगो हे। अब महबूब कहत हे कि मताई बाप से मोटरसाइकिल ओर बीस हजार रूपइया ओर दहेज ला तभई तोये राखहों। ऊखे परिवार कहत हे कि ईखे मार डारो दूसरी शादी करा दई जेहे। जीसे महबूब ओर मोये साथे मारपीट करत हे
महबूब कहत हे कि फरजाना मोये अपने मताई बाप के एते नई जाये देत हे। अगर जात हों तो लड़त हे। दहेज मगांये को झूठो आरोप लगाउत हे।
चरखारी कोतवाल वी.एन. तिवारी बताउत हे हमाये एते दरखास आई हती। ऊमेे दरोगा खे भेज के जांच कराई जात हें। जांच के बाद कारवाही करी जेहे।