विद्यालय मा बाउन्ड्री नाय

जिला फैजाबाद, ब्लाक मया, गाँव अंकारीपुर, प्राथमिक विद्यालय। 1978 कै बना स्कूल आय। वहमा बाउन्ड्री नाय बनीं बाय। बाउन्ड्री न हुवय से गाँव कै मनई गन्दगी कै दियाथिन।
स्कूल कै गेदहरै मुस्कान, प्रिया, बन्दना अउर रोशनी, रहमान बताइन कि हमार स्कूल गाँव के अन्दर मा बाय। बाउन्ड्री नाय बनी बाय। गाँव कै मनई जंहा खाना बना थै वहू लैटरीन कइके चला जाथिन। हमरे सबके ताई जवन शौचालय बना बाय वहू मा गन्दगी कराथिन। जे यही गन्दगी कराथै उनहूं के घर कै गेदहरै यहि पढ़त होइहैं। लकिन यका नाय सोंचतिन।
प्रधानाध्यापक सुरैया अउर सहायक अध्यापक शबनम बताइन कि हर साल सालाना बजट मा हम बाउन्ड्री वाल कै मांग करी थी। लकिन मांग पूरी नाय हुवत। बी.आर.सी. अरूण कुमार बताइन कि तीन साल से कइयौ स्कूल के खातिर जिला प्रशासन का अप्लीकेशन भेजे हई। लकिन पैसा नाय पास हुवत बाय।
शिक्षा अधिकारी प्रदीप कुमार बताइन कि अबहीं षासन से बजट नाय आय बाय।