विकलांगन कै सहयोग करै कै करिन वादा

जिला फैजाबाद कस्बा अयोध्या। हिंआ 3 दिसम्बर का मंद बुद्धि मूक बाधिर विद्यालय मा विश्व विकलांग दिवस मनावा गै। वहमा मौजूद अधिकारी कुछ न कुछ सहयोग करै कै वादा करिन।
वन राज्यमंत्री तेजनारायण पाण्डेय कहिन कि मूक एंव मंद बुद्धि गेदहरन का मुख्यमंत्री से मिलाउब। डी. पी. ओ. रामबाबू विश्वकर्मा कहिन कि हर सहायता करै का हम तैयार हई। वरिष्ट सपा नेता अनिमेष प्रताप सिंह,राहुज कहिन कि हम हर साल विद्यालय के दुई गेदहरन का पांच हजार रूपया छात्रवृत्तिदियब। वरिष्ट सपा नेता सूर्यकांत पाण्डेय वादा करिन कि हम विकलांग गेदहरन का पचास कम्बल दियब।
विद्यालय कै प्रधानाचार्या डाक्टर रानी अवस्थी कहिन कि जवन विकलांग गेदहरै बाटे उनके बारे मा सोचै का चाही। हमरे खिंआ सिलाई कम्प्यूटर, चित्रकला, लेखन,खेलकूद सिखावा जाथै जेसे गेदहरै आगे बढ़ै।