लोहिया गांव के पुरवन मा विकास का नाम निहाय

जिला बांदा, ब्लाक नरैनी,गांव बहादुरपुर गढ्ढिया। या गांव 2014-15 मा राम मनोहर लोहिया समग्र गांव के तहत चयन भा रहै। गांव मा चैदह मजरा लागत हैं। जेहिमा तीन मजरन मा कउनौ भी विकास निहाय। गांव मा सरकार के तरफ से मनमाना रूपिया आवा है।
षिवराज पुरवा अउर पतारे पुरवा जंगल के नीचे बसे है। इं पुरवन मा आवै जाय खातिर कतौ से रास्ता निहाय। न बिजली, पानी के कउनौ खास सुविधा है। पिछले साल एक प्राथमिक स्कूल बना है। जेहिमा न गेट लाग न हैण्डपम्प न बिजली। पुरवा के लोग मुसीबत भरी जिन्दगी जियै का मजबूर है। पुरवा के भीष्मदेव कहत है कि गांव खातिर सड़क न होय के कारन बरसात के चार महीना हमैं जंगल मा कैद होइके रहै का परत है। कुम्हारन पुरवा के मड़इन का कहब है कि उनके पुरवा मा जउन षौचाल मिले है उंई अधूरे परे है।
प्रधान कुषमा देवी यादव का कहब है कि पूरा काम उनका लड़का करत है। कउन योजना आई है का बजट आवा है। यहिके जानकारी उनका निहाय। बस चेक मा साइन कई देत हैं। साथै प्रधान यहौ कहिन कि महिला प्रधान अउर अनपढ़ होय के कारन सचिव बहुतै भेदभाव करत है। केतना बजट आवा अउर केतना खर्च भा यहिका हिसाब भी नहीं देत है।