जिला ललितपुर, ब्लाक महरौनी , गांव साडूमल गर्मी बढ़न लगी बई के संगे बढ़ रई पानी की परेशानी गांव के आदमिन को पानी की परेशानी हो रई। गांव के लगभग सब हैण्डपम्प ख़राब हे जिने सुधराबे को कोऊ नाम नइ ले रओ।
पुष्पा ने बताई के डेढ़ किलो मीटर दूर जाने परत जब हम ओरे नइ भर पात तो आदमीयन को भरने परत। तीन तीन खेपन से भरने परत। वोट लेबे आ जात फिर कोऊ कछू नइ करत।
सुमन ने बताई के सब परेशान हो रए ढोर बछेऊ के लाने खर्च के लाने सब कछू को परेशान हे वोट लेबे के लाने कत के अब हैण्डपम्प लगबा देहे। वोट डारबे के लाने मायके से लिबा लेयात पेट्रोल बार के भी बाद में अपने मुहल्ला में सुविधा करवा लेत बस।
सविता ने बताई के एकइ हैण्डपम्प हे सब जने भरत बई से बोहतई भीड़ रत। सबके के लाने लेयात हम तो जब से आय तब से तिगेला से भर रए। सब उतइ नहात हे। प्रधान ने तो इतनो भी नइ करो के एक हैण्डपम्प ही लगवा दओ होबे। प्रधान से शिकायत भी करो तो कत के हओ लगबा देहे। प्रधान अपने मुहल्ला में तो टंकी रखे और घर घर नल लगे।
जुबेदा वानो ने ताई के हम भी सोच रए के गर्मी बोहतई पर रई और पुराने सुधर बाने हे अब ऊपर से मंजूर हो जाए हम लगबा देहे।
रिपोर्टर- सुषमा
0/03/2017 को प्रकाशित
