ललितपुर जिले के महरौनी ब्लॉक के किसरदा गाँव में हर सोमवार को लगता है पशु बाज़ार

जिला ललितपुर, ब्लाक महरौनी, गांव किसरदा इते हर सोमवार को पशु बजार लगत जीमे आदमी दूर दूर से भैसे और गाय बेचबे लेयात। और अगल बगल से आदमी खरीदबे आत।
रहमत खान ने बताई के हर सोमवार को कम से कम दस पंद्रह भैसे आती जी में से तीन चार भैसे ही बिकती और जो बाकी की बचती सो देहात में ले जात सो किसान ले लेत। और जी की रह जाती सो बे फिर से लेयात दूसरे सोमवार को सो फिर बिक जाती।
उते से हम चालीस हजार की लेयात फिर लेयाबे में लगत दो ढाई हजार। फिर दो तीन हजार मजूरी निकारत सो इते हम पैतालीस छेयालिस हजार की बेचत।
राम दास ने बताई के हम गाय बेचबे के लाने भिंड मुरैना से लयात। जों जैसी होत दस पन्द्रह बीस पच्चीस हजार तक की लेयात। कछु नई मिलत बस पांच सौ रुपईया मजूरी परत।
मोहम्मद अनवर ने बताई के हम भैसे बेचबे को धंधो करत हम भैसे पंजाब से खरीद के लयात। एक बार में दो तीन भैसे लयात।
हम पचास साठ हजार तक की एक भैस लेयात खरीद के फिर इते बेच देत। उते से लेयाबे में भी तो भोत रुपईया लगत उते से खाली गाडी आती बिन से लेयात। या फिर ट्रक से लेयात।
फायदा कछु नई या जो हे के बस अपनी मजूरी निकर यात और ज्यादा कछु नई मिलत।

रिपोर्टर- राजकुमारी