जिला ललितपुर, गांव सोमनगर आज हम समानता की बात करत के कोनऊ ऊंच नीच नइया। लेकिन ललितपुर जिला के सोम नगर प्राथमिक विद्यालय में रसोइयन के संगे भेद भाव करो जात।
शिवरानी ने बताई के गांव के कत के नइ बनबाओ अगर प्रधान कबे के तुम बनाओ परसों तो हम बनाबे। अगर हम बना हे और मोड़ी मोड़न ने नइ खाओ तो का काम को जा से जोन काम हमे करत को हे सो हम कर रए और जोन उनके करत को हे सो बे कर रई।
भुवन ने बताई के गांव के आदमी छुआछूत मानत हमे नाज बीन ने परत बर्तन माजने परत रोटी सब्जी नइ बनाने परत।
भानु प्रताप सिंह प्रधानाद्यापक ने बताई के जो ग्रामीण स्तर पे चल रओ जो भेद भाव नइया एसो कछू नइया हम ने सब से कह दई के अगर जी को घ्रणा हे बो चलो जाबे हम खाना सबसे बनबा हे। इते भेदभाव नइया जो सरकारी संस्था हे जो खुद की संस्था नइया के तुम जेसो बोलो बेसों होबे।
नन्द राम राय प्रधान ने बताई के सब आपस में मिल जुर के काम करत कोऊ कछू करत कोऊ कछू करत अबे तक हमाय स्कूल में एसी कोनऊ शिकायत ही नइ आई भेद भाव की के हमाय संगे भेद भाव हो रओ के और कछू।
रिपोर्टर- राजकुमारी
14/02/2017 को प्रकाशित
