जिला ललितपुर, गांव खितवांस इते के आदमी अच्छी फसल बनाबे के लाने जैविक खाद्य बना रए जी से आदमियन को ज्यादा खर्चा नई करने परत न सरकारी खाद्य लेने परत। और अच्छी से अच्छी पैदावार होत जा खाद्य डारबे से।
रामसिंह कुशवाहा ने बताई के एक बार को खर्चा हे फिर हमेशा की सुविधा हे पहले गड्डा बनबाने परत फिर बामे खरीद के केचुआ डारने परत। हमाय गड्डा बनबाबे में तीन हजार लगे ते और सत्रह सौ के केचुआ लियाय ते। जा खाद्य से हम ओरन को सरकारी खाद्य नई डारने परत। एक बार को खाद्य कम से कम एक दो एकड़ में हो जात।
संतोष ने बताई के जासे भोत फायदा होत अब जो खाद्य तैयार हो गई सो अब जोन जा फसल बोहे बामे में डार दे हे और फिर दूसरी बना हे सो दूसरी बार के लाने हो जे हे।
कलके ने बताई के हमे बताई ती के सरकारी खाद्य नई डारने परे जा से अच्छी फसल हो हे सो हमने भी जोई करो जोई खाद्य बनाई और अपने खेत में डारी सो हमे भी खूब अच्छो फायदा लगो सो हम जबई से जो खाद्य डारन लगे। अब हम कोनऊ खाद्य नई डारत न डी ए पी न यूरिया कोनऊ नई डारत अब बस जोई डारत। जी से हमाई फसल को नुकसान भी नई होत। और एक बार में डी ए पी वाली भर के पांच छह बोरी निकर आत। सो जोन जोन जघा में पेड़ लगात उते एक एक मुठी भर के डार डेट और पेड़ लगा देत।
रिपोर्टर- राजकुमारी
14/10/2016 को प्रकाशित
