जिला ललितपुर, गांव कुआघोषी प्रतीक्षालय में लगो गंदगी को अम्बार जा गंदगी चारउ तरप फैली। एते कि सफाई करबे के लाने सफाई कर्मचारी भी नई आत। जा गंदगी के मारे बीमारी फैल रई।
कैलाश चन्द्र प्रधानाध्यापक ने बताई के इते एेसी यई गंदगी फैली रत हम खुद सफाई करत और रसोईयन को संगे लगात तब कर पात। 1 जुलाई से सफाई कर्मी नई आ रओ। अगर हम ओरे न करबे तो एसोई डरो रत सो हे ई मख्खी गंदगी पे बैठती फिर बच्चन के खाना में आती। सो बच्चा बीमार हो रए। कोऊ नई करत सफाई न कोऊ करवात हे। प्रधान से कओ सो कत के हओ करवा देहे लेकिन अबे तक नई करबाई। न सफाई कर्मचारी पेले आत ते सो न पेले करत ते न अबे आ रए सो न अबे कर रओ एसेमें बेठे रत। हेही बंास आत रत कसके और हेई बेठने परत हम ओरन को।
श्याम बाई ने बताई के हम ओरे खुद सफाई करत प्रधान से कओ सो कत के हओ करबा रए। अब हमे बेठने परत सो हमई करत काय के नई करे हे सो जब अधकारी आहे सो बे तो हमेसे केहे के गंदगी फैली सफाई काय नई कर बा रए सो। हम खुद कर लेत का पतो कोन को आने और कोन को नई।
राजकुमारी ने बताई के दो तीन महीना से नई आ रओ सफाई करबे के लाने कोऊ। पेले तो तनक मनक के लाने आत हतो लेकिन अब सो बिल्कुल नई आ रओ।
मोहन लाल अहिरबार ने बताई के सफाई कर्मी हे तो लेकिन बे काम नई करत अब दूसरो आहे सो बो अब रोज सफाई कर हे। जो पेले के हते बे भी काम नई करत ते। जे तो अबे के हे सो थोरो भोत करत लेकिन अब नए आहे जो अब रोज कर हे।
रिपोर्टर- सुषमा
