खुरहण्ड चैकी क्षेत्र के एक लड़की का अपहरण 7 सितम्बर 2014 का होइगा। चैकी पुलिस लड़की का ढूढ़ लिहिस अउर अपहरण करैं वालेन के खिलाफ मुकदमा लिख लिहिस है।
लड़की का भाई बताइस-“मोर महतारी रात लगभग एक बजे बहिनी का टट्टी करावैं निकरी। घर से चार कदम के दूरी मा महतारी बिटिया रहै तबै सड़क से गुजरै वाला पिकप मा बइठ कुछ मड़ई बहिनी के बाल पकड़ के अंदर खींच के महतारी का धक्का दई दिहिन। महतारी के रोवैं के आवाज सुन के मैं अउर मोर बाप निकरा तौ पिकप का पीछा कीन। चैकी का फोन से सूचना दीनंेव। वहै चैकी के रास्ता होइके पिकप अतर्रा निकर गा, पै पुलिस नहीं पकड़ पाइस। पता चला कि पिकप मा बइठ अतर्रा का रसूर का लड़का सलमान अउर दुई अज्ञात रहैं। मोर बाप 8 सितम्बर का चैकी मा दरखास दिहिस। पुलिस इलाहाबाद के गऊ मनसवा घाट चैकी के पास से सलमान अउर वहिके दुई साथियन का लड़की समेत बरामद कई लिहिस है। अब चैकी एस.ओ. कहत है कि तुम बयान पलट लेव कहौ कि अपहरण करैं वाले तुम्हार घर मा आवत जात रहे हैं। इनतान से हमार केश हल्का करैं मा लाग है। बहिनी से बात करैं के कोशिश कीन तौ वा नहीं बोलत आय। लागत है कि वहिका बहुतै डरावा धमकावा गा है।”
इनतान कहिन एस.ओ.खुरहण्ड चैकी एस.ओ. संतराम कुशवाहा कहत हैं कि मुकदमा लिख गा है। मुकदमा मा अपहरण के धारा 363, 366 आई.पी.सी., दलित एक्ट, लड़की के उमर 18 साल से कम है या मारे धारा 3(1)10 अउर 8 पाक्सो एक्ट लाग है। लड़की का 8 सितम्बर के रात लगभग 2 बजे खुरहण्ड स्टेशन रोड से बरामद कीने हौं। लड़की के साथै दूसर कोऊ नहीं रहा आय।