लटकत खम्भा अउर तार खतरा कै डर

जिला फैजाबाद, ब्लाक मया ग्रामसभा बरईपारा। यहि गांव मा राजप्रताप के मोहारे पै बिजुली कै खम्भा लटक गै बाय। जेहमा लाग तार भी काफी नीचे आइगै बाय। कइव बार चंदा लगाय के तार कसाइन लकिन फिर वइसे होइ जाथै।
गांव कै रंजीत शिवमंगल बताइन कि तार के साथे खम्भा भी लटका बाय। सड़क के किनारे हुवय के कारण कइव बार बाहिरी गाड़ी भी टकराय जाथै जेसे खम्भा अउर लटकगै बाय। नया खम्भा लगावै खातिर मांग कीन जात बाय । लकिन अबहीं तक प्रशासन से नया खम्भा नाय लगवायगै। तार अउर खम्भा दुइनौ से खतरा कै डर बना बाय।
बिजली विभाग कै अवर अभियंता रवि प्रकाश बताइन कि हमरे पास कउनौै जानकारी नाय मिला रहा। अगर अप्लीकेशन मिले तौ नया खम्भा लगवाय दिया जाये।