प्राथमिक स्वास्थ्य केन्द्र
जिला महोबा, ब्लाक पनवाड़ी, गांव भरवारा। एते बनो प्राथमिक स्वास्थ्य केन्द्र में जनता खे साथे धोखा धड़ी करी जात हे। जीसे गांव खे आदमियन खे बोहतई परेशानी आउत हे।
गांव खे सीताराम, शत्रुघन ओर उमेश ने बताओ कि हमाए गांव में स्वास्थ्य केन्द्र तो बनो हे, ओर डाक्टर भी आउत हे, पे ओते दवाई रूपईया में दई जात हे। जोन दवाई महंगी होत हे, ऊखे बाहर से मंगाए खां लिख दई जात हे। हम गरीब आदमी जा सोच खे सरकारी अस्पताल दवाई कराए जात हंे। ओते एक रूपइया में हमाई अच्छी दवाई हो जेहे, पे जभे रूपइया देनई हे, तो प्राइवेट डाक्टर से दवाई करा लेहे।
एसई गिरजा ओर राजकुंवर ने बताओ कि ई अस्पताल में डिलेवरी कराए जात हें, तो रूपइया ले लओ जात हे। दो सौ एनम् ओर सौ रूपइया दाई ले लेत हें। एई कारन हंे कि हम भरवारा से कुलपहाड़ पर जाने परत हे। ई कारन से हम ओतई चले जात हंे।
प्राथमिक स्वास्थ्य केन्द्र खे डाक्टर चन्द्रप्रकाश द्धिवेदी ने अपनी सफाई में कहो कि हमाए एते एक रूपइया खो पर्चा बनाओ जात हे। बाकी दवाई खो रूपइया नई लओ जात हे। अपर मुख्य चिकित्सा अधिकारी डाक्टर एस.के निगम ने बताओ कि कुलपहाड़ समुदायिक स्वास्थ्य केन्द्र अधिक्षक आर.के सक्सेना से जांच करायें खे बाद कारवाही करी जेहे।
