रसोईया शांति देवी, जयपति देवी
जिला शिवहर, प्रखण्ड, पंचायत विश्वम्भरपुर राजकीय उत्क्रमीक मध्य विद्यालय। उहां रसोईया के खाता डेढ़ साल पहिले खुल गेलई लेकिन ओई लोग के खाता में रूपईया न अबई छई। पहिले के तरह ही कैश मिल रहल हई।
ऐई विद्यालय के रसोईया शांति देवी, जयपति देवी कहलथिन कि हम सब सात आदमी मिलके विद्यालय में खाना बनबई छी। जेकर रूपईया छौ हजार अबई छई त ओहि में हम सातों आदमी बाट लेई छी। लेकिन अभी से डेढ़ साल पहिले हमरा सब के नाम से खाता खुल गेल लेकिन ओई खाता में अभी तक रूपईया न अबईय। जबकि सावन में साल लाग गेलई। ऐहु साल नया साल के पहिले प्रखण्ड से जॉंच करे आयल रहथिन त कहलथिन कि खाना बनबई छथिन उ सब लोग रहथिन। प्रधानाध्यापक अच्छेलाल राम कहलथिन कि ऐई विद्यालय में बच्चा के नामांकन कुल दस सौ एकतीस अउर उपस्थित चार सौ नब्बे हई। जबकि ऐई विद्यालय में छौ गो रसोईया के मानदेय अबई छई। लेकिन सात लोग खाना बनबई छथिन। केकरा नाम से चेक काटल जतई। इ विभाग से ही रूपईया अबई छई त छौ हजार रूपईया में सातो रसोईया आपस में बाट लेई छी।
प्रखण्ड शिक्षा पदाधिकारी कुमारी कुसुम कहलथिन कि ऐकर जॉंच करावे के होतई। मध्याहन भोजन प्रभारी ध्रुजटि प्रसाद सिंह कहलथिन कि रिकॉर्ड में त छौ गो रसोईया हई अई के लेल छौ गो के ही मानदेय जाई छई। खाता में रूपईया डाले के प्रधानाध्यपक के काम हई यदि सात गो रसोईया खाना बनबई छथिन त उपस्थित देखेके होतई। एक दु दिन में जिला से जांच कयल जतई। जरूरी होतई त सातो रसोईया रखल जतई।