जिला चित्रकूट। 23 अक्टूबर का योगी आदित्यनाथ चित्रकूट आये रहै तबै योगी जिला के विकास खातिर कइयौ वादा करिन हवै।इं वादा के बारे मा विधायक चंद्रिकाप्रसाद उपाध्याय का कहब हवै कि योगी हिंया एक हजार करोड़ के योजना का माला पहिना के उद्घाटन करिन हवै। जेहिमा चौबिस घंटा बिजली दें का कहिन हवैं।गरीबन का अवैध कब्जा से न हटावा जाए।माफिया के अवैध कब्जा हटाए जइहैं।यहिके आलावा किसानन के समस्या सूखा अउर अन्ना प्रथा मा भी फैसला करें का कहिन हवै अधिकारिन के बैठक मा मेहरियन के साथै होय वाले अपराध मा रोक लगावे का कहिन हवै जनता का आपन घर खुदै साफ करें का चाही जबै तक सब कोऊ सफाई न करिहैं तौ सफाई न होइ।पुलिस प्रशासन गाली दे खातिर आये न डंडा बरसावे खातिर। पुलिस जनता के सुरक्षा खातिर आये पै कुछ पुलिस वालेन का स्वभाव नींक नहीं रहत अब पुलिस का ट्रेनिंग मा सिखावा जई कि जनता का गाली न दें।
चित्रकूट मा चौबिस घंटा बिजली मिली या वादा आय कि भ्रम आय काहे से कटौती तो अबै भी होत हवै? योगी सफाई खातिर झाड़ू उठाइन हवैं हमेशा जिला मा सफाई यहिके खातिर को जिम्मेदार हवै? सफाई खातिर जनता जिम्मेदार हवै तौ जनता के देखभाल खातिर को जिम्मेदार हवै।
बाईलाइन-मीरा जाटव और नाजनी रिजवी
27/10/2017 को प्रकाशित
