यातायात नियम का मानै

संगोष्ठी करत

जिला चित्रकूट, ब्लाक कर्वी, कर्वी कोतवाली। हिंया 7 नवम्बर 2013 का इंटर नेषनल पायनियर्स क्लब कइती से यातायात संगोष्ठी भे अउर रैली निकाली गई। यहिमा डी.एम. बलकार सिंह, पुलिस अधीक्षक अमित वर्मा सी.एम.ओ वेदप्रकाश, कइयौ स्कूल के बच्चा अउर मास्टर समेत लगभग एक हजार मड़ई शामिल रहैं। रैली निकारैं अउर अउर संगोष्ठी करैं का उद्देष रहै कि मड़ई यातायात के नियम का जानै।
पुलिस अधीक्षक अमित वर्मा का कहब हवै कि जवान मड़इन के एक्सीडेन्ट से ज्यादा मउत होत हवै। दुइ पहिया वाहन चलावैं मा हेलमेट का इस्तेमाल करैं। चार पहिया वाहन चलावैं मा सीट बेल्ट का इस्तेमाल करैं। धीमी गति से वाहन चलावै। सड़क मा हमेषा बाई ओर चलै। तबहिने एक्सीडेन्ट के घटना थम सकत हवै। यहिके खातिर हर बरस यातायात जागरूक रैली निकारी जात हवै।

रैली निकारत

कर्वी जे.एम. बालिका स्कूल मा पढ़ै वाली मालती सिंह अपने विचार इनतान बताइस कि दिनै दिन जनसंख्या बढ़ रही हवै। यातायात मा दुर्घटना ज्यादा होय रही हवै। अगर यातायात नियम का पालन नींकतान से होय तौ एक्सीडेन्ट न होइहैं।