जिला पंचायत सदस्य अनिल प्रधान का कहब हवै कि प्रधानमंत्री जी दम भरत हवैं कि आज हर गांव मजरा मा लाइट पहुंच गे हवै। पै या दावा खोखला हवै अउर खोखला दावा का प्रमाणित करत हवैं ग्राम खभारिया, कोढ़न पुरवा, नौबस्ता, कोलुहा माफ़ी जहां आजौ लाइट नहीं आय। कइयौदरकी शिकायत करै के बादौ कउनौ सुनवाई नहीं भे आय। हर गांव अउर मजरा मा दुई से तीन सौ तक के आबादी हवै, पै मडई आजौ आपन जिन्दगी डिबरी अउर लालटेन के सहारे जियत हवै। विद्युतीकरण होई चुका हवै, पै पंडित दीनदयाल के अनुसार उन गांवन मा विद्युतीकरण करावा जात हवै पै जहां लाइट नहीं आय उन गावन का नाम सूची मा नहीं शामिल कीन जात आय। केंद्र सरकार के योजना उज्ज्वल गांव योजना चलत हवै जहां बिजली पहुँचावे का कम होत हवै। होइने यहै समस्या का लइके ग्राम खभारिया के अनिल प्रधान धरना प्रदर्शन कइके डीएम का ज्ञापन दिहिन हवैं, कि हुंवा आज लाइट आ जावा चाही। कइयौ जनपदन मा आजौ लाइट नहीं आय जईसे बम्बिया के तीन मजरा, गांव कुसमेढ़ी मडैयन के तीन, मैनहाई, पडवार्थी जइसे गांवन मा बिजली नहीं आय।
ग्राम कोलुहा का चुनवाद का कहब हवै कि अबै तक कबहूँ बिजली नहीं आय हम आपन जीवनयापन ढ़िबरी अउर लालटेन के उजियारा मा जियत हन। एक सौर ऊर्जा लाग रहै, तौ वहौ आंधी मा टूट गे हवै। कई दरकी शिकायत किन्हें हन, पै सुनवाई नहीं भे आय। कोढन निवासी बद्री प्रसाद बताइस हवै कि हुंवा आज तक बिजली गाबै नहीं भे आय, तौ रहै कहाँ से। कोढ़न निवासी छोटेलाल बताइस हवै कि हमै पढ़े मा सिंचाई के खातिर बहुते परेशानी होत हवै।
एडीएम विजय कुमार पाण्डेय का कहब हवै कि विद्युतीकरण का लइके आपन ज्ञापन दिहिन हवैं। एस.एस से बात किन्हें हौं, तौ जल्दी से जल्दी खम्भन के देखभाल कइके काम चालू कीन जई। या का मई तक पूर करै का हवै।
रिपोर्टर: नाजनी
Published on May 7, 2018
