मोदी का पुतला फूंक मंहगाई का विरोध

जिला बांदा, अशोक लाट चैराहा बांदा। हेंया समाजवादी पार्टी अउर आम आदमी पार्टी के नेता डीजल पेट्रोल मंहगाा होय का लइके 18 मई का प्रधानमंत्री का पुतला फूंकिन। उंई मंहगाई कम करै खातिर राष्ट्रपति का ज्ञापन भेजै का एस.डी. एम. का दिहिन।
समाजवादी पार्टी के सदस्य आमिर खान अउर प्रदीप का कहब है कि मोदी सरकार कहत रहैं अच्छे दिन अइहैं का सनपा देखा के महंगाई आसमान मा लावै चाहत है। पेट्रोल अउर डीजल के दाम फेर से बढ़ गे है यहिका असर बाकी सामान मा भी परत है।
बुन्देलखण्ड के किसान भुखमरी से आत्महत्या करत है अउर प्रधान मंत्री विदेश के यात्रा करत है वहिका किसानन के कउनौ चिन्ता नहीं आय। अब मोदी सरकार का इस्तीफा दे का चाही।
आम आदमी पार्टी के नेता शिवकरन सिंह,करन सिंह, जितेन्द्र अउर नारायण कहिन कि डीजल अउर पेट्रोल के दाम बढ़ा के मोदी सरकार बड़े बड़े उद्योग पतियन का फायदा देवावत है। प्रधान मंत्री नरेन्द्र्र मोदी कहत रहै कि वहिके राज मा मंहगाई कम होई पै हिंया तौ उल्टा होत है। भाजपा के सरकार तौ किसानन का कउनौतान के मदद नहीं करत है। जउनतान से वा विदेश के यात्रा करत है वहैतान से वहिका बुन्देलखण्ड मा आके किसानन के हाल जानै का चाही। हम ज्ञापन एस. डी. एम. डी. एस. पाण्डे का दइके मंहगाई कम करै के मांग कीन है।
एस. डी. एम. डी. एस. पाण्डे का कहब है कि पार्टी वालेन के ज्ञापन फैक्स कइके राष्ट्रपति का भेज दीन जई। या केन्द्र स्तर का मामला आय। यहिमा हम कुछ नहीं कहि सकित है।