जिला महोबा, ब्लाक चरखारी, कस्बा चरखारी। एते आय मुख्यमंत्री अखिलेश यादव दिनांक 4 जून को समय साढ़े दस बजे उतरो हेलीकैप्टर जिसे लाखन की संख्या मे आदमी ओर औरतन ने मुख्यमंत्री को चेहरा नहीं देख पाओ हे।
चरखारी की रामबाई कहत हें कि लखनऊ नई जा सकत हें कि अपने एते के मुख्यमंत्री खा देख सके। काए से कि हमाई 60 साल की उमर हे रिवाई गांव की एक 18 साल की लड़की संजना, ओर विकलांग हे सालट गांव की अनीता पेर से विकलांग हे दो लड़की एते से उते जात हती मुख्यमंत्री के हाथ मे लिए अपलीकेशन, पुलिस के मारे मुख्यमंत्री खा नई दे पाओ हे।
मुख्यमंत्री अखिलेश यादव अपने भाषण मे कहत हतो कि बुन्देलखण्ड कि जनता कि मेने जिम्मेदारी लई हे कि भूखी ना रहे। गरीब लोगन खा समाजवादी पेंशन खे साथे खाद्य सुरक्षा के कार्ड धारकन खा फ्री में आनज दओ जेहे। सथै लालच दओ कि पढ़े वाले छात्र छात्रन को आये वाले समय में रोजगार भी दओ जेहे। ऊने जा भी कहो कि केन्द्र सरकार ने जोन गाड़ी से पानी महोबा को भेजो हतो। ऊखा इ मारे में कहत हतो कि गांव गांव केसे पानी जेहे इमें हजार टैंकर पानी बर्बाद हो जात हे। पानी पियै खा ओर खेत खा पानी सिंचाई खे लाने किसान को बोहतई भरोसा दओ हे। विधायक उर्मिला राजपूत को आदमी कप्तान सिंह राजपूत कहत हे कि चरखारी मे पुरान तालाब हें। उनका निरीक्षण करे आय हें। मुख्यमंत्री समाजवादी सूखा राहत के तहत लोगन का किट दे के बोहतई अच्छो काम करो हे।
रिपोर्टर – श्यामकली
