मामा भइने करिन नाबालिक से बलात्कार

जिला अम्बेडकर नगर, ब्लाक कटेहरी, गांव लोरपुर। हिंआ 9 फरवरी 2014 कै एक नाबालिक लड़की के साथे मामा भयने करिन बलात्कार। परिवार वाले घर मा घुस के भयने का खूब मारिन अउर पुलिस के हवाले कै दिहिन। मामा भाग लिहिस पुलिस तलास करत अहैं।
गांव वालेन कै कहब बाय कि दलित कै सोलह साल कै लड़की बाय। 9 फरवरी का एक मड़ई मा सोई रही। दुसरी मड़ई मा महतारी सोई रही, भाई मुर्गी फार्म पै सोवा रहा। वही दिन गांव मा ननियउरे रहत रहिन मुन्ना तिवारी उर्फ प्रदीप आइन मड़ई मा घुसके नाबालिक के साथे बलात्कार करिन। लड़की के शोर मचावै पै गांव वाले घरवाले दौडि़न मुन्ना तिवारी का खूब मारिन अउर पुलिस के हवाले कै दिहिन। लड़की कै कहब बाय कि उनके साथे राधेश्याम भी शामिल रहिन। जवन भाग हईन।
लड़की कै पिता अकबरपुर थाना मा दुइनौ जने के नाम रिपोर्ट दर्ज कराये अहै। राधेश्याम कै घर फैजाबाद जिला गोषाईगंज गांव भैरीपुर महबूबगंज हुवय। लोरपुर पाल्हन पुर मा ननियाउर हुवय काफी दिन से यही रहत रहिन।
थाना कोतवाली कै लेखाकार मुंषी रामअंजोर बताइन कि दुइनौ आरोपी के खिलाफ रिपोर्ट दर्ज भै बाय। मुकदमा अपराध संख्या 49/14 धारा 376, 506 आई.पी.सी. धारा लैंगिक अपराध से बालक संरक्षण अधिनियम 2012 व 3(2) एस सी एक्ट नाबालिक लड़की के साथे जाति सूचक शब्द प्रयोग करब, बलात्कार अउर जान से मारै कै धमकी कै धारा लाग बाय। प्रदीप कै बेटवा राजकुमार तिवारी गिरफ्तार अहैं राधेष्याम तिवारी कै बेटवा राम अवध तिवारी भाग हइन।