मांग पूरी न हुवय से भूख हड़ताल शुरु

जिला फैजाबाद। देवकाली के बलात्कार पीड़ित का आर्थिक मदद, शिक्षा दीक्षा सरकार द्वारा निःशुक्ल दिये जाए जैये पांच मांगन का लइके गांधी पार्क मा धरना ग्यारहवें दिन भी जारी रहा। कार्यवाही न हुवय पै अनशन कै भी दिहिन चेतावनी।
साकेत छात्रसंघ महामंत्री अनुज श्रीवास्तव कहिन कि बड़ा-बड़ा दावा करै वाली प्रदेश सरकार मासूम लड़की के साथे बलात्कार मामले मा कान मा तेल डारिके सोवत बाय। पुलिस व प्रशासन कै अधिकारी भी लापरवाह बना बाटे। धरना मा शामिल सौरभ त्रिपाठी, शरद शुक्ल, अतुल जैयेन समस्त छात्र कहिन कि हमरे सबकै परीक्षा भी सिर पै बाय। पढ़ाई-लिखाई नाय होय पावत बाय। हमरे सबकै मांग बाय कि मासूम का इंसाफ मिलै। मांग न पूरी हुवय से धरना के बारहवें दिन 17 मार्च से भूख हड़ताल शुरु।
देवकाली चैकी इन्चार्ज अन्जेश सिंह बताइन कि घटना के रात लड़की का ढूंढै के ताई काफी पोस्टर छपवावा गै। घरवाले फोटो दिहिन। रात मा काफी छानबीन कीन गै। लकिन दुसरे दिन 11-12 बजे तक दुपहर मा लड़की वापस आइगै। लड़की के बयान पै आरोपी टी वी मकैनिक लालजी श्रीवास्तव का गिरफ्तार कीन गै। आरोपी के मोबाइल मा यहि तरीका का बी.डी.ओ. मिली जेसे पता चलाथै कि आरोपी गलत रहा। धारा 376 बलात्कार 506 जान से मारने की धमकी 364 अपहरण व 3/4 पास्को एक्ट लाग बाय।
नगर कोतवाली कै कोतवाल जितेन्द्र सिंह बताइन कि आरोपी का गिरफ्तार कै लीन गा बाय। लड़की कै हालत नाजुक रही। लखनऊ मा इलाज चलत बाय। ब्लड टेस्ट कै रिपोर्ट अबहीं नाय आय बाय। ब्लड टेस्ट आवै के बाद धारा बढ़े।