मांगै पूर करौ हमार मांगै पूर करौ

चित्रकूट जिला केसफाई करमचारी 8 जून का धरना प्रदर्शन करिन अउर विकास भवन से लइके एस.डी.एम कार्यालय तक नारा लगाइन अउर कहिन कि हमार मांगै पूर होय हमार मांगै पूर होय।
मांगै पूर करौ हमार मांगै पूर करौ
कुछ सफाई कर्मिन का कहब हवै कि जउन सफाई कर्मी पढ़े लिखे हवैं। उनका दूसर पद मा भर्ती कीन जाये। जइसे पंचायत कंप्यूटर आपरेटर अउर पंचायत राज विभाग मा उनका भर्ती कीन जाये। दूसरे नये लोगन का विभाग मा न भर्ती कीन जाये। यहिके खातिर तहसीलदार अशोक कुमार का ज्ञापन भी दीन गा हवै।
कर्वी तहसीलदार अशोक कुमार सिंह का कहब हवै कि ज्ञाान लइ लीन गा हवै। उनके ज्ञापन का मुख्यमंत्री के लगे पहुंचा दीन जई।
पंचायतराज विभाग के बड़े बाबू जगदीश कुमार वर्मा कहिन कि पंचायती राज विभाग के सबै करमचारी यहिमा शामिल रहे हवैं। अबै तौ जिला स्तर मा धरना प्रदर्शन कीन गा हवै। अगर सुनवाई न होइ तौ 17 जून का लखनऊ मा मुख्यमंत्री के लगे जइबे अउर आपन समस्या सुनइबे।