महुआ अस्पताल मा महिला डाक्टर के कमी

जिला बांदा, प्राथमिक स्वास्थ्य केन्द्र महुआ। हेंया लगातर बीस साल से महिला डाक्टर के कमी बनी रही है। अब दुई महीना से है भी तौ वहिकर ड्यिूटी महिला जिला अस्पताल मा लाग है। अस्पताल के दाई, ए.एन.एम. अउर चिकित्सा अधीक्षक सी.एम.ओ. से महिला डाक्टर के मांग करिन।
डिलेवरी करावैं वाली दाई सुशीला बताइस-“मैं बीस साल से हेंया डिलेवरी करउती हौं। महिला डाक्टर बिना बहुतै परेशानी होत है। अगर महिला के खून के कमी होई जात है तौ मैं नहीं बता सकतिव। पीड़ा होय के बाद अगर रूक गे तौ वहिके जांच तौ डाक्टर ही लिख सकत है। बिना महिला डाक्टर के कइयौ केसन मा गम्भीर घटना होई चुके हंै।”
ए.एन.एम. विमला कहिस कि स्टाप के कमी है। अस्पताल मा चार स्टाप नर्स एक महिला डाक्टर अउर दुई ए.एन.एम. होय का चाही। हमका डिलेवरी के साथ साथ चुनाव सम्बन्धी काम, टीकाकरण, सर्वे जइसे के हजारन ओवर काम करैं का परत हैं।
सी.एम.ओ. कैप्टन डाक्टर आर.के.सिहं कहिन कि महुआ प्राथमिक स्वास्थ्य केन्द्र के महिला डाक्टर मीनाक्षी महिला जिला मा अस्पताल अटैच है। महुआ प्राथमिक स्वास्थ्य केन्द्र भी जात है।