जिला बारांबकी, ब्लाक हैदरगढ़, गांव शेखवामऊ हियां 9 जून का सुबह मज्स्सुम बानों कै फांसी लागै से मउत होइगै। मायकेवालेन कै आरोप बाय कि ससुरालवाले मजस्सुम कै हत्या कै दिहिन।जिला बारांबकी, ब्लाक हैदरगढ़, गांव शेखवामऊ हियां 9 जून का सुबह मज्स्सुम बानों कै फांसी लागै से मउत होइगै। मायकेवालेन कै आरोप बाय कि ससुरालवाले मजस्सुम कै हत्या कै दिहिन। मोहम्मद नजीम मृतिका के बड़े भाई कै कहब बाय हमरे सबका दुसरे से सूचना मिली उनके सब सूचना नाय दिहिन। घरवाले बताइन कि दिमागी बुखार होइगा रहा येही वजह से मजस्सुम कै इंतकाल होइगा।हमरे सब मिटटी दिये के ताई गयन। जब घर कै मेहरारू चेक करिन तौ पता चला कि उनका गला दबे के या फांसी लगाय के मार दीन गा बाय। मजस्सुम कै शादी दुई साल पहले भए रही दुई महीना कै एक बिटिया भी बाय। कइव बार सास के खिलाफ हमरे सबसे शिकायत करिन की मोटर सायकिल मांगाथिन लकिन हमरे सब कउनौ एक्शन नाय लिहन कि ससुराल आय समझाय के भेज देहे रहेन। मोहम्मद सादिक मृतिका के चाचा कै कहब बाय कि अगर खुद से फांसी लगाये होतिन तौ पूरे शरीर पै निशान न रहत। एहीसे हमरे सबका पूरा शक बाय की मुज्स्सुम का जान से मारा गा बाय। मोहम्मद नजीम कै कहब बाय 100 नंबर पै फोन करेन जाँच भए। मामला सही पाय जाय पै फिर एफ आई आर दर्ज करायन। ससुरालवालेन के अनुसार मजस्सुम बानों आत्महत्या करे अहैं लकिन आत्महत्या करै कै कौनौ ठोस वजह नाय बताइन। बसंतमा मृतिका के दादी सास कै कहब बाय कि कुछ कहा तौ काम नाय करत रही। मोहम्मद खलील मृतिका के दादा ससुर कै कै कहब बाय कि हम मौके पै रहेन नाय लकिन लड़ाई झगरा नाय भा रहा। सलमान मृतिका के पड़ोसी कै कहब बाय कि ई बात झूठ आय की इनके सब मारि डारिन। कपिलदेव मिश्रा सी.ओ. हैदरगढ़ बताइन कि मजस्सुम कै पिता आरोप लगाये अहैं कि उनके पति अउर सास ससुर दहेज़ का लइके मजस्सुम कै हत्या कै दिहिन। शव कै पोस्टमार्टम कराय दीनगा बाय।पोस्टमार्टम के रिपोर्ट मा चोट पाई गए बाय। चोट कउने कारण से आय बाय एकै जांच चलत बाय। पति का जेल भेज दीनगा बाय। सास ससुर गिरफ्तार अहैं।
रिपोर्टर- नसरीन
22/06/2017 को प्रकाशित
