खराब परल चापाकल
जिला सीतामढ़ी, प्रखण्ड बथनाहा, प्राथमिक स्वास्थ्य केन्द्र में प्रसव के रूम में लगभग पच्चीस दिन से पंखा अउर पांच छौ दिन से चापाकल खराब हई। लेकिन इ समस्या पर स्वास्थ्य विभाग के लोग जल्दी ध्यान न देई छथिन। जबकि इ गर्मी में पानी अउर बिजली के सबसे ज्यादा जरूरत होई छई।
इहां के प्रसव वाली महिला के सास लरूवती देवी, रागनी देवी के माई मिना देवी कहलथिन कि एक त भयानक गर्मी हई दोसर में प्रसव वाली दर्द से व्याकुल छथिन। लेकिन इ अस्पताल के डिलि
वरी रूम में एको गो पंखा न हई जेई कारण मरिज अउर उनका गारजियन ममता ए.एन.एम. सब परेशान रहई छथिन। ममता राजकुमारी देवी, ए.एन.एम. सब कहलथिन कि पंखा त पंखा हई, इ गर्मी में चापाकल भी चार दिन से खराब हई। दिन भर में रात तक दस पंद्रह डिलेवरी होई छई। हम सब हाथ में गंदगी लगयले रहई छी त हाथ धोये ला पानी न रहई छई। हम सब कतेक बेर बाहर हाथ धोये जाउ अउर इ समस्या के जानकारी हम सब मैनेजर के देले छी।
स्वास्थ्य प्रबंधक आदित्य कुमार कहलथिन कि पंखा बीस पच्चीस दिन से खराब हई त हम बनवा देली। अब लगाबे के काम हमरे हई? चापाकल त चार दिन से खराब हई समस्या त बहुत बड़ा हई। लेकिन सब काम कुछ दिन में हो जतई।