मण्डी के अव्यवस्था चोरी का डेर

जिला बांदा, ब्लाक महुआ, कस्बा खुरहण्ड। हेंया के गल्ला मण्डी मा एक महीना होइगे बिजली निहाय। बाउन्ड्री भी अगल-बगल से टूट है। या मारे व्यापारिन का चोरी का डेर बना रहत है, पै मण्डी समिति वाले कउनौ ध्यान नहीं देत आय।
मण्डी मा दुकान लगावैं वाले व्यापारी आशीष,राधे अउर अरविन्द बतावत हैं कि जंगल के बीच मा मण्डी बनी है। किसान मड़ई गल्ला लइके आ जात हैं तौ रात के दस-दस बजे तक तउल होत रहत है। रात के अंधेरे मा कुछ देखात तक निहाय। कहां को छिपा है चारौ कइत से बाउन्डी भी टूट है। व्यापारी मड़ई चैबिस घण्टा रूपिया पइसा रखैं का परत है। गनेश, राघव अउर शंकर कहत हैं कि अगर मण्डी के बिजली बन जाय तौ नींक रहै। उजेला मा तौल करैं के सुविधा भी रहत है। हम आपन या समस्या का लइके अधिकारिन अउर बांदा मण्डी समिति तक मा कहा है, पै हमार सुनैं वाला कउनौ निहाय।
बिजली विभाग के अधिषाशी अभियन्ता कमलेश कुमार कहत हैं कि मण्डी के बारे मा मैं कुछ नहीं बता सकत हौं। खुरहण्ड बिजली विभागजेई जानैं।