मजदूर जात कामे
जिला बांदा, ब्लाक महुआ, गांव बरसड़ा खुर्द। हेंया महात्मा गांधी राष्ट्रीय रोजगार गारन्टी योजना के तहत कइयौ मड़इन का काम नहीं मिलत आय। यहिसे मड़ई प्रधान के चक्कर लगावत फिरत हैं।
गांव के खतुनिया, मोहम्मद शब्बीर अउर चुन्नू बतावत हंै कि हमरे गांव मा काम न मिलैं से मड़ई बहुतै परेशान हैं। सरकार मनरेगा योजना चला के गांव मा गरीब मड़ई के काम करैं खातिर सुविधा तौ करिस कि मड़इन का परदेश न जाय का परै। या योजना का लाभ केतना हद तक गरीब मजदूरन का मिलत है यहिका कउनौ पता निहाय। अगर मजदूर परदेश कमाय न जाय तौ आपन पेट कसत भरिहैं। जांब कार्ड तौ गांव मा प्रधान नाम खातिर बना देत है।
प्रधान शैलकुमारी कहत है कि मड़ई खुदै काम नहीं करैं चाहत आय। हमरे घरे आ के कहत हंै कि जांब कार्ड मा हाजिरी चढ़ा। बेगैर काम कसत हाजिरी चढ़ा दीन जाय। यहिसे उंई शिकायत करत हैं।