मजदूरी का भटकैं मजदूर

मजदूरी के करत मांग

जिला बांदा, ब्लाक तिन्दवारी, गांव तारा, मजरा दोहतरा। हेंया सम्पर्क मार्ग मा लगभग बीस मजदूर काम करिन रहैं। जिनके मजदूरी आज तक नहीं मिली आय।
गांव के सुनीता, राजेश कुमार, बउरा, प्रेमा, रानी अउर महेश प्रसाद आपन समस्या बताइन हैं कि 5 जुलाई 2014 से रास्ता मा मिट्टी डारै का काम शुरू भा रहै। दोहतरा गांव से बरेठी सम्पर्क मार्ग मा आधा किलोमीटर रास्ता मा मिट्टी डाली गे रहै। काम करे एक महीना होइगें आज तक प्रधान अउर पंचायत मित्र कउनौ भी मजदूर के खाता मा रूपिया नहीं लगाइन आहीं। जबै कि एक हफ्ता मा मजदूरी मिल जाये का चाही। अगर मजदूरी मांगत हन तौ प्रधान उल्टा सीध बात करत अउर वापस लउटा देत है।
प्रधान राज बहादुर का कहब है-“मैं मजदूरन के मजदूरी कम्प्यूटर मा चढ़वा दीने हौं। मजदूरी का रूपिया देब प्रधान के हाथ मा निहाय। जबै सरकार रूपिया भेज देई तौ मड़इन का रूपिया आ जई।”