बांदा जिला के बुंदेलखंड आजाद सेना धरना प्रदर्शन का आज से दस दिन होई जइहें। इनकर आरोप है कि हिंया के पी.डब्ल्यू.ड़ी.खंड के अउर भ्रष्ट अधिकारी है, जउन बीस साल से हिंया भ्रष्टाचार फैलाए है। वहिके खिलाफ कार्यवाही की कईदरकी मांग किन्हें हन, पै हमार सुनवाई हिंया के शासन प्रशासन नहीं करत आय। यहै से धरना मा बैइठ हन।
प्रमोद आजाद का कहब है कि आज से धरना मा बैइठे दस दिन होई जइहें। बांदा जिला मा दबंग, चोर, लूटेरा, महा भ्रष्टाचारी एक जेई है, वा हिंया अरबन खरबन का गबन किन्हें बैइठ है। वहिके साथै अपराधिक कानूनी कार्यवाही बहुते विधिक रूप से मुकदमा पंजीकृत है। यहिका हिंया से हटावा नहीं गा, वहिके बावजूद स्टोर कार्यप्रणाली दई दीन गे है। मुकदमा दर्ज कइके वहिका जेल भेज दीन जाये। राम जी भाई बताइस है कि भारत सरकार जन सूचना के तहत जानकारी प्राप्त किन्हें हन। वहिका या स्पष्ट होइगा है, कि तमाम सक्षम एजंसियन के जांच के माध्यम से वा मड़ई दोषी पावा गा है, करोड़न रुपिया के गबन का लइके मुकदमा पंजीकृत भा है, जेहिके कारन वा मड़ई एक दिन के खातिर जेलौ जा चुका है। वहे दिन का वेतन उठाइस है जनसूचना के माध्यम से या जानकारी प्राप्त कीन गा है। या मामला का लइके प्रधानमंत्री, मुख्यमंत्री, राष्टपति तक सूचना भेज दीन गे है, पै अगर हमार कार्यवाही 5 जून तक ना होई, तौ या दरकी लखनऊ जाके धरना प्रदर्शन करब।
रिपोर्टर: गीता
Published on May 30, 2018
