भ्रष्टाचार का बोल बाला, बांदा जिले के भदेह्दू गांव में आर टी आई फरमाईश से निकले हैं कुछ नतीजे

जिला बांदा ,ब्लाक बबेरू, गांव भदेहदू हेंया कइयो समस्या का लइके भ्रष्टाचार फइला है। गांव के मड़इन का कहब है कि प्रधान हमार गांव मा कुछौ विकास नहीं करावत आय। यहिके खातिर मुख्यमंत्री से जांच के मांग करे हन। जांच तौ कीन  गे हवै वा जांच से हम खुश नहीं आहीं। दुबारा जांच के मांग कीन गे हैं देखौ कबै तक दुबारा जांच होत है। जिला बांदा ,ब्लाक बबेरू, गांव भदेहदू हेंया कइयो समस्या का लइके भ्रष्टाचार फइला है। गांव के मड़इन का कहब है कि प्रधान हमार गांव मा कुछौ विकास नहीं करावत आय। यहिके खातिर मुख्यमंत्री से जांच के मांग करे हन। जांच तौ कीन  गे हवै वा जांच से हम खुश नहीं आहीं। दुबारा जांच के मांग कीन गे हैं देखौ कबै तक दुबारा जांच होत है।  आर टी आई कार्यकर्ता प्रभुजन पटेल का कहब है कि बहुतै दिना से हमार गांव मा भ्रष्टाचार फइला है। नाली,खडंजा अउर पौधा लगावे का कुछौ काम नहीं होत आय।  बच्चन का दुपहरी का खाना भी नहीं दीन जात आय। प्रधान अउर मास्टर सब मिल के डकार जात हैं। गरीब जनता चार-चार दरकी राशनकार्ड खातिर आंनलाइन कराइन हैं पै आज तक उनकर राशनकार्ड नहीं बना आय। एक विधवा मेहरिया से प्रधान 15 हजार रुपिया कलोनी खातिर लिहिस है। मेहरिया शिकायत करे का कहत है तौ वहिका जान से मारे के धमकी देत है पंद्रह साल से गांव मा एकौ शौचालय नहीं बने आहीं।  काशीप्रसाद के 2013 मा मउत होइगे रहैं तबहूं 2015-16 मा मनरेगा मा वहिकर काम देखावा जात है।  रामखेलावन बताइस कि प्रधान मोहिसे कालोनी खातिर आठ हजार रुपिया लिहिस है शिवदुलारी अउर शांति बताइन कि कलोनी खातिर प्रधान हमसे 10-10 हजार रुपिया लिहिस है शिकायत करे मा धमकी देत है। शौचालय अबै नहीं मिले आहीं। विकलांग नथुआ बताइस कि शौचालय खातिर एक साल पहिले गड्डा खोदायें रहेंव आज तक एकौ रुपिया नहीं मिला आय। केसनिया अउर रानी बताइस कि दुई मील की दूरी से हमें पानी लावै का पड़त है। घर मा शादी तौ कसत काम चली।  प्रधान राममूरत का कहब है कि 2010 मा प्रभुवन का पुलिस पकड़ लई गे रहै। मीडिया वाले धंधा करत है अउर मोरे खिलाफ छापत है। 30 -40 साल से गांव मा हैण्डपम्प लाग हैं तौ बिगड़े मा बनवाइत हैं।  बांदा एस. डी. ओ. राम कुमार सिंह का कहब है कि कमेटी जांच कई के रिपोर्ट दिहिस है रिपोर्ट बड़े अधिकारिन का पहुंचा दीन गे है। कमेटी के साथ विभाग के अधिकारी भी जांच करिन है। अधिकारिन से नींक कोऊ जांच नहीं कर सकत रहैं।

रिपोर्टर-  मीरा देवी और गीता देवी

14/06/2017 को प्रकाशित