भूकंप से भयभीत लोग

दिवाल में परल दरार

नेपाल में आयल भुकंप से सीतमढ़ी आउर षिवहर जिला भी प्रभावित होलई। सीतामढी नेपाल के बोडर ऐरिया में परई छई। 25 अप्रैल से 27 लगभग चालीस बेर झटका अलई। जेइमें केतना लोग के घर गिर गेलइ, केतना लोग मर भी गेलथिन।
सीतामढ़ी जिला के रीगा प्रखंड के नथूनी पासवान, षत्रुधन कुमार कहलथिन कि लगभग बारह बजे दिन में अचानक भूकम्प अलइ जे बहुत तेज झटका रहइ। रंजू देवी कहलथिन कि अचानक खिड़की तर से ईटा गिरल त भगली। बार बार भुकम्प के झटका के कारण लोग रात में जाग के बिहान करइ छथिन। रूणा देवी, राम दुलारी देवी कहलथिन कि हम सब बेटी बहु के लेके बाहर सुतइ छी। लेकिन बाहर सुते वला के लेल सरकार कोइ व्यवस्था न कलथिन। षिवहर जिला के कुषहर गांव के फकिरा साह कहलथिन कि एकासी साल के बाद एहन भूकंप अलइय।
रीगा अंचल अधिकारी सूर्यकांत प्रसाद कहलथिन कि अभी त बार-बार झटका आ ही रहल। केतना लोग मरलई, केतना धायल अउर केतना घर गिरल हई ओकर सर्वे हो रहल हई। सरकार अब आगे कि देथिन उ अभी कोई सुचना न हई। तत्काल भूकंप में मरे वाला के चार लाख रूपईया देल जाई छई।