भठी परी नाली, सफाई नाय

जिला फैजाबाद, ब्लाक तारुन, गंाव ऊंचगंाव। यहि गंाव के मनईन कै आरोप बाय कि तीन महीना होइगा सफाई कर्मी नाय अउते। जेसे काफी गन्दगी बाय। मच्छरन कै पैदावार बढि़ जाए से बीमारी फैलाथै।
राममिलन यादव, रामकरन यादव अउर हंसराज कै कहब बाय कि नाली बने लगभग आठ साल होइगा। पूरी नाली भी नाय बनीं। जवन बनीं बाय वहू कै सफाई नाय हुवत। तिसरे-चैथे महीना सफाई कर्मी आवाथे वहीं सड़क पै कूड़ा निकारके रख दियाथिन। जेसे अउर गन्दगी फैलाथै। यतनी घास जामीं बाय कि नाली नाय देखात। यतनी हवा चलाथै कि सारा खरपतवार वही मा पटि जाथै।
गंाव के कुछ मनईन कै कहब बाय कि कुछ जने झाडू लगाय के वही नाली मा खरपतवार गिराय दियाथिन। कहां तक सफाई कर्मी साफै करैं।
सफाई कर्मी षैलकुमारी बताइन कि स्कूल पहली प्राथमिकता आय। जेसे स्कूल मा रोज सफाई करीथी। चार गंाव ऊंचगंाव,मनठा, मुरावन टोला अउर भटपुरवा सफाई करै का पराथै। हर गंाव मा तीन चार नाली बनीं बाय। जेसे महीना मा एक बार एक गंाव मा जाई थी। तीन महीना न जाए कै झूठा आरोप लगावाथिन।