बेगैर इमारत के चलत आंगनवाड़ी

आंगनवाड़ी गीता देवी

जिला बांदा, ब्लाक बड़ोखर खुर्द, गांव डिंगवाही। हेंया तीन आंगनवाड़ी केन्द्र हैं, पै एकौ जघा इमारत निहाय। कउनौ आंगनवाडी केन्द्र पंचायत भवन मा चलत है तौ कउनौ स्कूल अउर बारात घर मा। आंगनवाड़ी आपन समस्या मीटिंग मा कहत हैं, पै उनकर सुनवाई नहीं होत आय।
आंगनवाड़ी केन्द्र भाग एक के आंगनवाड़ी मिथलेश बारात घर मा केन्द्र चलावत है। भाग दुुई के आंगनवाड़ी गीता देवी पंचायत भवन मा अउर भाग तीन के आंगनवाड़ी सीमा राजपूत प्राथमिक विद्यालय मा आंगनवाड़ी केन्द्र चलावत है। गीता देवी बतावत है-“मैं 1997 से हेंया आंगनवाड़ी हौं। तबै से आपन घर मा केन्द्र चलावत रहौं। मड़इन के विरोध करैं से अब एक साल से पंचायत भवन मा केन्द्र चलत है। आपन मीटिंग मा कइयौ दरकी या समस्या तीनौ आंगनवाड़ी मिल के बताये हन, पै हमार सुनै वाला कउनौ निहाय। सुपरवाइजर भी आपन हिसाब से जिला मा लिख के दिहिन। कउनौ सुनवाई निहाय।”
जिला कार्यक्रम अधिकारी इशरत जहां का कहब है कि समग्र ग्राम के 250 इमारतन का प्रस्ताव भेजा गा है। जेहिमा 8 इमारत पास भे है। डिंगवाही समग्र ग्राम न होय, या मारे नहीं पास भे आय।