बीस गांव कै मनरेगा मजदूर मांगिन काम

जिला फैजाबाद, ब्लाक मया। मया ब्लाक के राजकीय पषु चिकित्सालय के मैदान मा 26 दिसम्बर का सुबेरे ग्यारह बजे से षाम चार बजे तक मनरेगा मजदूर बीस ग्रामसभा से दुई सौ मनई काम अउर दाम के भुगतान का लइके मंाग करिन। नोहरा देवी समदा कै खाली 2011 मा पन्द्रह दिन काम करे बाटिन लकिन पैसा कै भुगतान अबही ले नाय भै बाय।
रामपुर बैहारी मजरा धनिकपुर संतराम भगौती बताइन कि नवम्बर मा पन्द्रह दिन काम किहे रहिन पैसा अब ही तक नाय मिला बाय। सरैया कै रामअवध बारह सौ रुपया कै काम करे पैसा निकारे जाये पै खाता मा पैसा आय अहै।
प्रदेष अध्यक्ष रामअदालत वर्मा, जिला अध्यक्ष राजेन्द्र प्रसाद भारती, ब्लाक अध्यक्ष रणजीत पटेल कहिन कि दुई साल से सब मजदूरन का न सही ढंग से काम मिलत अहै। अउर न दाम यहि बात का लइके दुई सौ दस मजदूर मंाग की ताई ब्लाक इक्सेठ मनई आपन जाब कार्ड जमा कइके काम कै मंाग करीन। तौ बी.डी.ओ. ब्लाक के चला गये तौ प्रदेष अध्यक्ष रामअदालत वर्मा सब मजदूरन कै अप्लीकेषन जापकार्ड ए.डी.ओ. पंचायत का दीन गै। कहा बाय कि अगर पन्द्रह दिन मा सुनवाई न भै तौ ब्लाक से जिला अउर राज्यधानी तक धरना जारी कीन जाये।