खबर लहरिया ताजा खबरें बीना काम के चालू

बीना काम के चालू

स्टेट बोरिंग

स्टेट बोरिंग

जिला सीतामढ़ी, प्रखण्ड रीगा, गांव रामनगर के किसान कहलथिन कि इहां स्टेट बोरिंग बहुत पहिले हललई। चालू भी हई लेकिन नाला टूटे अउर बिजली कम रहे के कारण किसान के सब सुविधा न मिल रहल हई।
रामनगर के रामलाल पासवान, मंगर पासवान, कलही देवी कहलथिन कि जब स्टेट बोरिंग चालू रहलई त हमेशा कुछ न कुछ खेत में फसल उगबईत रहली। पानी भी हमेशा कम दाम में समय से मिल जाईत रहलई। अभी भी बोरिंग चालू हई लेकिन 1993 के बाढ़ में नाला टूट गेलई अउर बिजली के कम पावर होये के कारण मोटर भी न चालू हो पवई छई। जेई कारण पानी के सुविधा न मिल पवई छई। अब त दु तीन साल से बरसा कम होये के कारण फसल उपजावे में किसान के बहुत परेशानी झेले के परई छई। जसिया देवी कहलथिन कि अभी निजी बोरिंग से एक सौ बीस रूपईया घण्टा खेत पटावे में लगई छई। नल कुप विभाग के कनिये अभियंता सत्यनारायण कुमार कहलथिन कि नाला बने के स्टीमेट बन रहल हई। बिजली के लेल आवेदन देले छी।