बिना व्यवस्था के चार डिलेवरी प्वाइंट

जिला बांदा। नरैनी सामुदायिक स्वास्थ्य केन्द्र के तहत जून 2014 मा चार डिलेवरी प्वाइंट अउर बनाये गे हैं। पै आज तक काम शुरू नहीं भा। उंई गांव के मेहरियन का डिलेवरी खातिर सामुदायिक स्वास्थ्य केन्द्र जाय का पड़त है।
परसहर गांव के शकुन्तला, राजरानी बतावत हैं कि हमरे हेयां नया प्राथमिक केन्द्र अउर उपकेन्द्र दूनौ बने हंै। इं अस्पतालन मा डिलेवरी करावंै का आदेष भी है। गांव से 10 किलो मीटर नरैनी सामुदायिक स्वास्थ्य केन्द्र पड़त है अउर सड़क भी खराब है। या मारे डिलेवरी लइके जाय मा परेषानी होत है। यहिनतान करतल गांव के रन्नो पुकारी गांव के सिया सखी अउर कालिंजर गांव के मीना बतावत हैं कि उनके गांव से नरैनी बीस किलो मीटर है। अगर नया प्राथमिक स्वास्थ्य केन्द्र मा ही डिलेवरी होय लागै तौ परेषानी दूर होई जाय। स्वास्थ्य केन्द्र नरैनी के बाबू रामकिषोर कहत हंै कि आदेष तौ आ गा है पै उंई केन्द्रन मा डिलेवरी वाला सामान निहाय। बिजली के व्यवस्था होई तौ डिलेवरी होइहैं।
सी.एम.ओ. कैप्टन डाक्टर आर.के. सिंह का कहब है-“मोहिका पता निहाय कि इं गांवन का डिलेवरी प्वाइंट बनावा गा है। जहां व्यवस्था निहाय होंआ के जांच मैं खुदै करिहौं।”