खबर लहरिया ताजा खबरें बिजली विभाग कै लापरवाही

बिजली विभाग कै लापरवाही

taza bijli fainal

बिजली कै लटकत तार

जिला फैजाबाद, ब्लाक तारुन, कस्बा रामपुर भगन बाजार। बाजार मा लकड़ी के खम्भा मा तार खींचा बाय। जवन लटक के जमीन का छुवै वाला बाय। यसे कभौं कुछ भी होय सका थै।
रामचन्दर, श्यामलाल बताइन कि पन्द्रह साल से एैसन लटका बाय जवन कभौं भी मउत कै कारण बन सका थै चाहे जानवर हुअय या मनई। सड़क मा पानी भरा बाय तौ वही किनारे कई जाए का परा थै। यतना नगीचे लटका तार छोट-छोट गेदहरा पकरि के लटकि जाए तौ काव होये उन्है का पता कि यहमा विजली बाय।

समसुद्दीन बताइन कि हमरे सब लगभग छह महीना पहिले अप्लीकेशन दिहेन लकिन कुछ नाय भा कि यका कसाय दियै। जे.ई जे.पी गुप्ता बताइन कि अब तक हमैं जानकारी नाय रही लकिन अब हम ठीक करवाय दियब।