जिला फैजाबाद, ब्लाक मया, कस्बा गोसाईगंज टाउन एरिया। हिंआ 11 अगस्त से बिजली टाइम पै न आवै से कस्बा कै मनई भूख हड़ताल पै बैठिन ।
गोसाईगंज कै प्रशांत गुप्ता, संतोष, सोनू, सुदीप बताइन कि एक साल होय जात बाय बिजली समय पै नाय आवत अउर जब आवाथै। तौ यतना धीम आवाथै कि घर कै एक्कव काम नाय हुअत।
उद्योग व्यापार मण्डल कै अध्यक्ष अनिल कुमार, कन्हैयालाल बताइन कि दिन कै 1 बजे बिजली आवाथै। अउर रात के दस बजे से एक आधा घंटा बिजली रहाथै। पूरा दिन ग्राहक कै दुकान पै आवा जाही रहाथै। तौ बिजली नाय रहत केतना बार हमरे सब मांग करेन। बिजली विभाग अउर थाना पै सूचना दीन गै बाय। तबौ सुधार नाय भै बाय अब हमरे सब 12 अगस्त से गोसाईगंज कस्बा मा भूख हड़ताल करत बाटेन। अउर जब तक बिजली पूर्ति न होये तब तक हड़ताल किन जाये।