जिला झांसी, गांव मडोर खुर्द के लोग बिजली के तारन से डराने हे कबहु भी बड़ी घटना घट सकत। बिजली विभाग अपनी जिम्मेदारी से जो पल्ला झाड रई के हमे तार लटकबे के बारे में कोनऊ जानकारी नइया।
अभिषेक यादव ने बताई के बरसात से एसे ही लटक रए तार कोऊ भी अधिकारी देखबे नइ आय। जा से हम ओरन को करेंट लगबे को डर हे। हम ओरे छत पे ही रत उतेइ सोत हे हमने जो बिजली विभाग से लाइट सुधारबे वाले आत उनसे कई ती। तो देख के चले गये ते बरसात में आय ते।
रचना ने बताई के जब पहले तार गिरो तो सो हमाई भेस मर गयी ती न कछू मुआवजा मिलो तो। हम तो बहार हते प्रधान ओरे आय ते देखबे। अगर बखरी में परो सो डर लगत के तार न टूट जाबे।
कलावती ने बताई के रात के समय तार टूट गओ तो सो एक मोड़ी चिपक गयी ती सबको पतो हे। जब फिर बाय मार मार के होश में ले आय और इलाज करवाओ तब बच पाई ती मोड़ी।
लेकिन कोनऊ सुनवाई नइ भई। अब जे इतने नीचे तार लटक रए कओ सो कत के दूसरी नइ केविन डर हे जा तो खराब हो गयी।
रिपोर्टर- सोनी
18/04/2017 को प्रकाशित
