बिगड़ा सूई रखै वाला फ्रिज बाक्स

जिला अम्बेडकर नगर। हिंआ जिला अस्पताल मा फ्रीज बाक्स डेढ महीना से बिगड़ा बाय। मरीजन का सूई के ताई इधर उधर भटकै का पराथै।
अकबरपुर से आये अजय, सेमरिया से रामचन्द्र शोभावती बताइन कि सूई रखै वाला फ्रिज बाक्स डेढ़ महीना से बिगड़ा बाय। जेसे दवा लियै आवै तौ सूई बाहर से लिख दियाथिन। अस्पताल मा कर्मचारिन के लापरवाही के कारण एक बार कै काम दस बार मा करै का पराथै।
जैतपुर सोनावां कै राजेन्द्र वर्मा बताइन कि हम अपने महतारी कै इलाज करावै लइके आय हई। हिंआ कउनौ सुविधा अस्पताल से नाय मिलत बाय। जहां फ्री मा सूई दवाई मिलै का चाही वहिं बहिरे से लावै का परत बाय।
मुख्य चिकित्सा अधिकारी डाक्टर ओ.पी. सिंह बताइन कि बजट नाय बाय। मांग कीनगै बाय। पैसा अउतै बनुवाय दीन जाये।